Свештеникот Михај Бику и група молдавски свештеници минатата година беа дел од покриено поклоничко патување во Русија, организирано од Руската православна црква. На групата ѝ беа доделени ваучери од 10.000 рубљи и дебитни картички со цел да се поттикне верско-политичко влијание.
Свештениците требаше да создадат Телеграм-канали за своите парохии во Молдавија и да предупредуваат верниците против, како што им било кажано, „опасностите од про-западната политика и европската интеграција“. Кампањата се интензивирала пред парламентарните избори, со речиси 90 нови канали и повеќе стотици пораки, кои ја повторувале реториката на опозициските партии за заштита на традиционалните вредности и спротивставување на ЕУ.
Молдавија, длабоко религиозна земја, иако независна од Русија од 1991 година, останува под јурисдикцијата на Московската патријаршија, што овозможува овој вид на влијание. Анализата на онлајн-активноста покажува дека Русија користела верски канали како средство за политичко влијание, особено пред избори кои одлучуваат за курсот на земјата кон Западот или кон Москва.
