Русија во текот на септември изгубила повеќе од 50.000 војници во војната во Украина, од кои околу 28.000 загинале, според проценките што ги изнел висок воен функционер на НАТО.
Како што пренесува „Блумберг“, функционерот, кој побарал анонимност, тврди дека руските сили продолжуваат да напредуваат со испраќање војници во таканаречените „зони на смртта“.
Станува збор за подрачја под интензивен надзор и напади со беспилотни летала, артилериски оган и противпешадиски мини, каде што ризикот за војниците е исклучително висок.
Според истиот функционер, украинските сили во септември имале околу 5.000 загинати и ранети војници, значително помалку од проценетите руски загуби.
Истовремено, украинската армија наводно ослободила повеќе од 125 квадратни километри територија, додека нападите врз руска територија продолжиле да погодуваат енергетски и други објекти.
Русија, пак, планира значително зголемување на воените расходи, кои годинава би можеле да достигнат речиси 17 билиони рубљи.
Американскиот претседател Доналд Трамп во неделата соопшти дека Москва и Киев постигнале договор за „енергетско примирје“, но украинската страна не потврдила дека е постигнат конечен договор.
Москва не објавува редовни податоци за загинатите и ранетите војници, а наведените проценки на НАТО не се независно потврдени.
Проценката објавена на 12 октомври укажува на едни од најголемите месечни загуби за руската армија во 2026 година. Сепак, бројките за двете страни остануваат непотврдени од независни извори, а Москва не објавува целосни податоци за своите воени загуби.
