Во пристаништето Калао во Перу, брод на познатата компанија Evergreen изгубил околу 50 контејнери за време на маневар на 7 октомври. Поради силни налети на ветер и високи бранови, дел од товарот се одвоил и паднал во океанот.
Меѓу изгубените контејнери имало облека, обувки, часовници, кујнски предмети и над 500.000 нови iPhone 17, чија крајна дестинација била Мексико.
Вкупната штета од инцидентот се проценува на стотици милиони долари, а морнаричките служби сè уште спроведуваат истрага за причините и можноста за извлекување на дел од товарот.
