Поранешниот руски претседател Дмитриј Медведев ѝ се закани на Германија во авторски текст за рускиот пропаганден канал RT со „целосно уништување“ на нејзината „толку фалена индустрија“, доколку дојде до директна конфронтација. Истовремено, тој го доведе во прашање оправданото постоење на Сојузна Република Германија и го обвини Берлин за милитаризам и ревизионистички намери во врска со поразот во Втората светска војна.
Медведев: Германија никогаш не поминала низ вистинска денацификација Медведев: Германија никогаш не поминала низ вистинска денацификација Медведев: Нуклеарната апокалипса е реално можна, тоа не го разбираат сонувачи или будали Свет Медведев: Нуклеарната апокалипса е реално можна, тоа не го разбираат сонувачи или будали
Дмитриј Медведев, близок соработник на рускиот претседател Владимир Путин, напиша дека на Германија ѝ преостанува само избор меѓу војна и „срамотно погребување на сопствената државност“. Според него, јасната порака на Русија до „германските елити“ гласи: „Ако се случи најлошото сценарио, веројатноста за меѓусебно уништување е висока – тоа би значело крај на европската цивилизација, додека нашето сопствено постоење би опстанало“.
Медведев исто така тврди дека никогаш не бил одржан референдум за повторно обединување на Германија, па затоа тоа наводно е правно спорно. Стручњаците потсетуваат дека референдум не бил потребен ниту според меѓународното ниту според германското уставно право. Источна Германија се приклучила кон Сојузната Република според член 23 од Уставот, по слободни избори, пишува „Билд“.
Во својот авторски текст Медведев ја критикува и германската наоруженост, како и повторното воведување доброволна воена служба. За „намалена и духовно ослабена Европа“, милитаристичка Германија, според него, не би имала никаква корист. За Москва, таква Германија би била дури „опасна и непредвидлива“.
Овој пат соработникот на Путин директно го нападна и канцеларот Фридрих Мерц (70, CDU). На германската влада ѝ забележа дека ја води економијата во пропаст. Според него, Мерц очигледно не разбира дека наоружувањето не носи економски раст.
Путинoв „поттикнувач“ од почетокот на војната Медведев исто така го обвини Берлин дека се стреми кон нуклеарно вооружување, иако Мерц тоа повеќепати јасно го исклучил. Сепак, за Кремљ веќе самата можност дека Германија би можела да дојде до нуклеарно оружје е доволна причина за војна, како што нагласи Медведев. Тековниот политички курс, според него, „може да доведе до речиси пеколни сценарија“.
Медведев зазеде исклучително тврд став од почетокот на војната во Украина во 2022 година, повеќепати отворено заканувајќи се со нуклеарни удари врз западни престолнини, вклучувајќи го и Берлин. Неговиот последен текст е објавен само два дена пред големата воена парада во Москва.
