Портпаролот на Кремљ, Дмитриј Песков, испрати јасна порака до европските лидери: ако навистина сакаат дијалог со Русија, доволно е да му се јават на Владимир Путин по телефон.
„Сите овие дискусии лебдат во воздух, но Путин е близок како телефонски приемник“, изјави Песков, додавајќи дека Москва е подготвена за разговори доколку во Европа преовлада прагматичен пристап.
Тој истакна дека не е во интерес на шефицата на европската дипломатија, Каја Калас, да биде преговарач со Русија, бидејќи тоа би било исклучително тешка задача. Песков потсети дека Путин претходно рекол оти секој европски лидер кој не изговорил „многу лоши зборови“ за Русија може да биде прифатен како соговорник.
Оваа изјава доаѓа во момент кога Европа се обидува да најде начин за нова комуникација со Москва, а Кремљ испраќа сигнал дека е отворен за контакт – но на свој начин.
