Шокантен настан се случил на Булеварот на ослободувањето во Нови Сад, каде во паркиран автомобил било пронајдено безживотно тело на маж.
На местото веднаш пристигнале полиција и екипи на Итната медицинска помош, но лекарите можеле само да констатираат смрт. Според првичните информации, телото било пронајдено во возило паркирано во близина на зградата на МУП.
Надлежните соопштиле дека на телото немало видливи траги на насилство, а според првите индиции се претпоставува дека станува збор за природна смрт. Сепак, телото ќе биде испратено на обдукција со цел да се утврди точната причина за смртта.
Полицијата го обезбедила местото и започнала истрага за целосно расчистување на случајот. Според локалните информации, станува збор за 54-годишен маж од Ветерник.
Случајот предизвика големо внимание кај граѓаните, особено поради фактот што телото било пронајдено среде ден на еден од најфреквентните булевари во градот.
