Леонид Радвински, сопственикот на платформата OnlyFans, починал на 43-годишна возраст по долго боледување од рак, потврди компанијата во соопштение објавено во понеделникот.
Украинско-американскиот бизнисмен во 2018 година ја презеде компанијата Fenix International, која стои зад OnlyFans, по што остана мнозински сопственик и директор. Под негово водство платформата доживеа огромен раст и се претвори во глобално познат бизнис модел со претплати и директна публика за креаторите.
Во краткото соопштение, компанијата наведе дека Радвински починал мирно по долга битка со болеста, а семејството побарало приватност во овој тежок период. Веста брзо се прошири низ светските медиуми, особено затоа што тој важеше за човек кој ретко се појавуваше во јавноста, иако беше еден од најбогатите луѓе во дигиталниот бизнис.
Радвински со години беше во фокусот и поради огромните дивиденди што ги добиваше од компанијата, а во последниот период имало и извештаи за разговори околу можна мултимилијардна продажба на платформата. Неговата смрт отвора нови прашања и за иднината на компанијата, која останува еден од најпознатите играчи во онлајн индустријата.
🔽 ОД ДЕНЕС СЛУШАЈ ЈА ТВОЈАТА ОМИЛЕНА РАДИО СТАНИЦА НА ПРВ.МК 🔽
