Во време кога летувањата сè повеќе стануваат луксуз, постои едно приморско место каде можете да добиете сè – море, храна, сместување и сонце – за само 300 евра. Градот Драч во Албанија станува сè популарна дестинација за туристи од регионот кои сакаат квалитетен одмор по пристапна цена.
Во Драч, седум ноќевања со појадок во приватно сместување на само неколку минути од плажа ќе ве чинат околу 120 евра. Храната во локалните ресторани е евтина и вкусна – комплетен оброк чини 6 до 8 евра, што значи дека со буџет од 10–15 евра дневно, може да се јаде убаво и изобилно.
Плажите се долги и песочни, морето е топло и плитко, совршено за семеен одмор. Драч нуди и историски знаменитости како антички амфитеатар, бањи и цркви, а локалното население е пријателско и често разбира македонски.
Патувањето чини околу 60 евра со автомобил, или 25 евра со автобус. За сите што сакаат море, сонце и мир без да ја испразнат сметката – Драч е вистинскиот избор.
