Во Атина се случи потресен настан кога 28-годишен маж со нож ја нападна и усмрти жена на влезот од нејзината зграда, по што сам се предал на полицијата. Првичните шпекулации беа дека станува збор за љубовна врска, но осомничениот изјавил дека не биле партнери, туку дека се запознале во црковно кафуле и се дружеле од почетокот на годинава. Како мотив навел дека жртвата наводно го „предала“ на неговите пријатели, кои потоа го изолирале од своето друштво.
Сцената пред зградата ја видела соседка која забележала како двајцата разговараат, сè додека жената не започнала да вика: „Госпоѓа Рула, тој има нож!“. Преплашената соседка веднаш побегнала за да ја повика полицијата, но до нивното пристигнување веќе било предоцна – жртвата им подлегнала на тешките повреди.
Според грчките медиуми, напаѓачот ја избодел повеќе пати во телото, а потоа мирно чекал полиција да пристигне. Подоцна беше откриено дека жената уште во март пријавила во полиција дека тој ја следи, но случајот бил третиран како граѓански спор, без сериозни последици за осомничениот.
Овој случај ја потресе грчката јавност и повторно го отвори прашањето за недоволната заштита на жртвите на прогонство и вознемирување.
