Бегство од затвор во Њу Орлеанс: Единаесет опасни затвореници на слобода, еден веќе уапсен
Единаесет затвореници, кои се сметаат за вооружени и опасни, избегале од затвор во Њу Орлеанс, Луизијана, во вторникот, соопшти канцеларијата на шерифот. Еден од нив е веќе приведен, додека потрагата по останатите продолжува со полна сила.
Според шерифовата канцеларија, во тек е обемна операција за пребарување на поширокиот регион, а се истражува и можноста за помош од трети лица при бегството. Надлежните предупредуваат дека секој што ќе се утврди дека соработувал со бегалците ќе сноси законска одговорност.
Бегството било откриено за време на рутинско пребројување на затворениците, јави телевизијата ABC. Властите ги повикуваат граѓаните на претпазливост и соработка со информациите што би можеле да помогнат во нивното пронаоѓање.
