Авион што леташе од Анкара кон Бингол во Турција беше принуден да изврши итно слетување на аеродромот во Елазиг, откако гром го погоди во опашниот дел, јавија турските медиуми.
Пилотот веднаш реагираше на ударот и го смени курсот поради безбедносни причини, избирајќи да слета на најблискиот аеродром во Елазиг. Слетувањето помина без никакви проблеми, а патниците беа безбедно пренесени од аеродромот до Бингол по копнен пат.
Овој инцидент го потврди и локалниот медиум Хабер, кој истакна дека и покрај ударот од гром, авионот продолжи да функционира нормално, а ситуацијата беше целосно под контрола на пилотската екипа.
