Во Европа се воведува нов патен знак – бел ромб на синa подлога – кој ќе означува специјални сообраќајни ленти резервирани за одредени возила и ситуации. Овој систем досега постоеше само во Франција, каде од 2020 година беше тестиран во Лион, Гренобл и Стразбур, но поради добрите резултати, сега се разгледува негово ширење низ целата ЕУ.
Лентата со бел ромб е наменета за јавен превоз, такси, возила со најмалку двајца патници (вклучувајќи го и возачот), електрични автомобили и возила со „многу ниска емисија“ со налепница Crit’Air. За електричните возила не е важен бројот на патници – можат да ја користат и ако во нив има само возач. Мотоцикли можат да возат по оваа лента, но само ако имаат патник. Хибридните возила, пак, мора да патуваат со повеќе од едно лице за да ја користат.
Овие ленти најчесто се активираат во утринските и вечерните шпицови, од понеделник до петок, и нивната достапност се регулира преку електронски табли. Целта е да се поттикне користење на јавен превоз, споделување на возила и преминување кон почисти еколошки опции, со што ќе се намали загадувањето и метежот на патиштата.
Возачите кои ќе ја користат оваа лента без дозволениот услов ќе бидат казнети, а искуството од Франција покажува дека системот е ефикасен – затоа повеќе европски држави планираат да го воведат на прометни патишта и автопати.
