Бран протести зафати повеќе европски држави, каде што илјадници граѓани излегуваат на улиците поради растечките трошоци за живот, високите цени на становите, ниските примања и незадоволството од јавните услуги.
Демонстрации се одржуваат во Франција, Шпанија, Португалија, Италија, Белгија и Албанија, а меѓу најактивните учесници се младите.
Најдраматична е ситуацијата во Франција, каде што студентските и средношколските протести против лошите услови во образованието прераснаа во пошироко општествено незадоволство.
Демонстрантите бараат подобри училишта, повеќе наставници, повисоки плати и мерки против поскапувањата. Во повеќе градови избувнаа насилни судири, беа запалени објекти и следуваа масовни апсења.
Во Шпанија главен проблем е станбената криза. Протестите дополнително се засилија по иселувањето на 87-годишна жена, на која киријата ѝ била зголемена за 230 проценти.
Слична состојба има и во Португалија, каде што цените на недвижностите пораснале за 124 проценти меѓу 2015 и 2024 година.
Во Милано протестите против скапотијата завршија со судири меѓу демонстранти и полицијата, додека во Албанија граѓаните протестираат поради корупцијата, невработеноста и состојбата во образованието.
Властите во некои земји веќе најавија мерки за ублажување на незадоволството, но протестите продолжуваат.
Иако причините се различни, заедни
