Американските власти истражуваат дали кинеска ракета стои зад соборувањето на борбен авион Ф-15Е „Strike Eagle“ над Иран, настан што предизвика сериозно внимание во Вашингтон. Според извештаи на американски медиуми, постојат сомнежи дека Иран можеби користел кинеска воена технологија за време на конфликтот.
Наводно, покрај ракетни системи, Кина би можела да му испорачала на Иран и напреден радар за рано предупредување со долг дострел, способен да открива и авиони со намалена радарска видливост. Американските разузнавачки служби и понатаму ги анализираат околностите под кои беше соборен авионот во април.
Ова е прв случај по повеќе децении американски борбен авион да биде соборен од непријателски оган. Екипажот успеал да се катапултира, при што пилотот бил спасен по неколку часа, додека вториот член на екипажот бил извлечен два дена подоцна.
Случајот дополнително ги усложнува односите меѓу САД и Кина, особено во период кога Вашингтон бара дипломатска поддршка за стабилизирање на состојбата на Блискиот Исток. Засега нема официјална потврда дека токму кинеска ракета го соборила авионот, а истрагата продолжува.
