Единаесет лица загинаа во тешка авионска несреќа што се случи во градот Томблен, во североисточна Франција, соопштија локалните власти.
Според првичните информации, авионот бил во сопственост на училиште за падобранство, а во моментот на несреќата во него се наоѓале пилотот и десет патници.
Во трагедијата животот го загубиле пилотот, пет ученици и пет инструктори. Надлежните служби веднаш пристигнале на местото на несреќата, но никој од патниците и екипажот не преживеал.
Поради сериозноста на инцидентот, француските власти активирале највисок степен на подготвеност, а министерот за внатрешни работи се упатил кон местото на трагедијата.
Во тек е официјална истрага која треба да ги утврди причините за падот на авионот и сите околности што довеле до несреќата.
