Националната агенција за регулирање на енергетиката на Молдавија (ANRE) соопшти дека земјата во моментов располага со резерви на дизел гориво за околу осум дена, додека резервите на бензин се доволни за приближно 18 дена.
Податоците се однесуваат на состојбата заклучно со 20 јули и се базираат на информациите што ги доставиле економските оператори.
Од Агенцијата истакнуваат дека, и покрај информациите кои се појавија во јавноста за можни проблеми со снабдувањето, во моментов нема општ недостиг на стандардни нафтени деривати на пазарот.
Надлежните соопштија дека континуирано ја следат состојбата на домашниот пазар, како и случувањата на меѓународните пазари на нафта, вклучувајќи ги и тензиите во регионот на Персискиот Залив, кои влијаат врз цените и условите за снабдување.
ANRE нагласува дека го следи снабдувањето со стандардните горива што се продаваат на бензинските станици и врши надзор врз почитувањето на правилата за формирање и прикажување на цените.
Од Агенцијата најавија дека и понатаму ќе ја следат состојбата и навремено ќе ја информираат јавноста за сите промени што би можеле да имаат влијание врз потрошувачите.
