Американската амбасада во Киев вечерва излезе со јавно предупредување откако, како што наведуваат, добиле информации кои укажуваат на можност за исклучително опасен воздушен напад на територијата на Украина во наредниот период.
Според соопштението, постојат индикации дека нападот би можел да се случи во кое било време во следните неколку дена, поради што нивото на внимателност е значително зголемено. Амбасадата нагласува дека станува збор за сериозна безбедносна проценка, заснована на релевантни податоци со кои располагаат американските институции.
Како превентивна мерка, Американската амбасада упати јасна препорака до своите државјани кои се наоѓаат во Украина да бидат подготвени за итна реакција. Во случај да се огласат аларми или сирени за воздушна опасност, од граѓаните се бара без одложување да побараат најблиско засолниште и да ги следат инструкциите на локалните власти.
Во предупредувањето дополнително се потенцира дека безбедносната состојба може брзо да се промени, па затоа е неопходно постојано следење на официјалните известувања и подготвеност за итно постапување. Американската амбасада повторува дека ваквите препораки се издаваат со цел заштита на животите и безбедноста на граѓаните, имајќи ја предвид сериозноста на можната закана.
