Веќе два дена романската јавност е во шок по објавата на компромитирачки фотографии кои, наводно, го прикажуваат градоначалникот на Ливадела, Трајан Симионка, во интимни сцени со вработена од градското собрание. Снимките, кои експресно се раширија низ интернет, предизвикаа бурни реакции и лавина од коментари, бидејќи никој не знае дали станува збор за вистинска афера или монтирана манипулација.
Фотографии што исчезнаа, но веќе станаа вирални
Скандалот започна кога на официјалниот WhatsApp профил на Симионка се појави приказна со фотографии во кои се гледа сексуален чин, придружени со пораката: „Љубовна врска“. Функцијата за приказна автоматски се брише по 24 часа, но корисниците веќе направија снимки од екранот, кои веднаш почнаа да кружат по социјалните мрежи.
Фотографиите се проширија со неверојатна брзина, оставајќи јавноста да се прашува – дали градоначалникот навистина ги објавил сам, или пак станува збор за хакерски напад и злоупотреба на технологија.
Симионка: „Сè е лага, тоа е дело на вештачка интелигенција“
Откако случајот предизвика национална врева, градоначалникот Симионка остро ги демантираше обвинувањата, тврдејќи дека снимките се фалсификати создадени со помош на вештачка интелигенција (AI).
„Ако погледнете внимателно, тоа е видео. Сликите се извлечени од тоа видео. Сè е направено со AI. Ќе се открие кој стои зад ова“, изјави тој за романскиот портал ХотЊуз, нагласувајќи дека немало никаков инцидент со неговата колешка.
Симионка истакна дека канцеларијата во тоа време била отворена и полна со луѓе, па според него немало можност за било какво интимно однесување. „Не знам кој го направил тоа. Девојката потврди дека ништо не се случило“, додаде тој.
Полицијата отвори истрага, партијата чека докази
Романската полиција веќе отвори истрага по службена должност поради можен сексуален напад и нарушување на приватноста. „Постапката е во тек, а се прибираат сите релевантни докази“, потврди портпаролката на полицијата.
Во меѓувреме, Социјалдемократската партија (ПСД), чиј член е Симионка, изјави дека ќе преземе мерки откако ќе заврши истрагата.
„Го очекуваме исходот од постапката што ја водат обвинителите. Дури по официјалните резултати ќе одлучиме за следните чекори“, изјави Теофил Чоарба, префект на округот Бистрица-Насауд.
Случајот веќе доби огромен медиумски публицитет во Романија, а јавноста со внимание ги следи развојот на настаните и прашува: дали ова е вистински политички скандал или уште една злоупотреба на моќта на вештачката интелигенција?
ПОГЛЕДНЕТЕ ГО ВИДЕОТО ТУКА
