Владимир Путин и Доналд Трамп одржаа маратонски разговор кој траел дури час и половина, откривајќи нови детали за односите меѓу двете велесили во овие турбулентни времиња.
Разговорот, кој бил на иницијатива на Кремљ, започнал со драматичен тон. Путин остро и недвосмислено го осудил обидот за атентат врз Трамп, давајќи му јасна поддршка на американскиот лидер по настанот што ја згрози светската јавност. Овој потег на рускиот претседател се толкува како силен сигнал во дипломатските кругови.
Покрај личната поддршка, лидерите навлегле во длабока анализа на најопасното жариште во светот – Иран и Персискиот Залив. Русија не запира со своите влијателни контакти со Израел и Иран, а Путин цврсто стои на ставот дека само итен прекин на огнот може да го спаси регионот од тотален хаос.
Советникот на Путин, Јуриј Ушаков, потврди дека Москва игра активна улога во смирувањето на тензиите. Дали овој 90-минутен разговор е почеток на нова ера во односите меѓу Русија и САД, или пак само обид да се спречи глобална катастрофа на Блискиот Исток?
Додека Вашингтон и Москва ги координираат своите следни потези, прашањето останува: Што друго договорија двајцата лидери далеку од ушите на јавноста?
