Францускиот претседател Емануел Макрон по телефонскиот разговор со рускиот претседател Владимир Путин изјави дека не е постигнат никаков напредок во однос на можен прекин на огнот во Украина. Тој нагласи дека е неопходно прво да се воспостави примирје и да продолжат преговорите.
Макрон истакна дека санкциите на Европската унија и САД остануваат од клучно значење за справување со конфликтот. Во разговорот, освен Украина, биле разгледани и прашањата поврзани со состојбата на Блискиот Исток, вклучувајќи иранско-израелскиот судир и американските напади врз нуклеарни постројки во Техеран.
Овој телефонски контакт беше прв меѓу двајцата лидери по повеќе од две години, откако претходниот значаен разговор се случи во септември 2022 година.
