Андреј Бадалов (62), потпретседател на рускиот нафтен гигант „Транснефт“, почина откако падна низ прозорецот на својата вила во луксузниот московски кварт Рубљовка, јави руската агенција ТАСС.
Според полициски и судски извори, смртта се третира како самоубиство, а во неговата вила била пронајдена и самоубиствена порака.
Бадалов работел на дигитализација на компанијата од 2021 година, а претходно имал улоги во руската оружена индустрија и изборниот систем.
Ова не е прв случај на високи руски функционери кои умираат во слични околности – претседателот на „Лукоил“ и други официјални лица од енергетскиот и државниот сектор починале по слични инциденти, каде истрагите исто така ги квалификуваат како самоубиство.
