Германската десничарска партија „Алтернатива за Германија“ (АфД) се најде во центарот на контроверзии поради обвинувања дека користела свои парламентарни прашања за собирање информации кои би можеле да бидат од интерес за руските разузнавачки служби, пренесува Политико.
Пратеникот на АфД од Тирингија, Ринго Милман, редовно поднесувал прашања до регионалната влада за испораките на оружје од Западот во Украина и локалните системи за одбрана од беспилотни летала. Центристички политичари тврдат дека ова укажува на обид за протекување на чувствителни информации кон Москва.
Министерот за внатрешни работи на Тирингија, Георг Мајер (СПД), оцени дека АфД покажува „неверојатен интерес за критичната инфраструктура и безбедносните служби“. Од АфД негираа дека дејствуваат по налог на Кремљ, тврдејќи дека нивните прашања се легитимни и дека владата нема обврска да открива чувствителни информации.
Политичките аналитичари предупредуваат дека, иако поединечни прашања не се проблем, нивниот обем – повеќе од 7.000 прашања од 2020 година, со над 60% во Бундестагот и 70% во Тирингија – овозможува увид во транспортните правци и воената логистика, што може да претставува закана за националната безбедност.
АфД е позната по своите позиции поволни за Русија, вклучително и поддршка за обновување на економските врски и прекин на воената помош за Украина.
