Унгарија влегува во нова политичка фаза откако досегашниот претседател на државата, Тамаш Шулјок, го прекинува својот мандат. По неговото заминување, овластувањата на шефот на државата привремено ќе ги преземе претседателката на парламентот, Агнеш Форштофер.
Информацијата ја соопшти премиерот Петер Маѓар, кој изјави дека Шулјок со потпишувањето на 17-тата измена на Уставот го отстранил последниот чекор за прекин на својот претседателски мандат. Според најавите, мандатот официјално ќе заврши на полноќ на 20 јули.
По престанокот на функцијата, унгарскиот парламент ќе има рок од 30 дена да избере нов претседател на државата.
Претходно, парламентот ја усвои 17-тата уставна измена, со која се овозможува завршување на мандатот на Шулјок. Владата во Будимпешта оцени дека станува збор за важен чекор кон промени во институциите и обновување на уставниот систем.
Додека не биде избран нов претседател, претседателката на парламентот ќе ги извршува претседателските овластувања.
Овој потег претставува значајна промена на унгарската политичка сцена и отвора нова неизвесност околу тоа кој ќе биде следниот човек на чело на државата.
