Американските вооружени сили спроведоа нова операција во источниот дел на Тихиот Океан, при што бил пресретнат брод поврзан со шверц на дрога. Во акцијата загинале тројца мажи, кои американската Јужна команда ги идентификува како лица поврзани со нарко-криминални структури.
Според информациите објавени на социјалната мрежа Икс, разузнавачките служби претходно утврдиле дека пловилото се движело по познати рути што често се користат за нелегален транспорт на наркотични средства.
Американските власти наведуваат дека бродот бил дел од активности поврзани со меѓународна трговија со дрога, по што била донесена одлука за интервенција.
Ова е уште една во низата операции што американската војска и безбедносните служби ги спроведуваат во последните месеци во рамки на борбата против организираниот нарко-криминал и нелегалниот транспорт на дрога преку меѓународните поморски коридори.
Засега не се објавени дополнителни детали за идентитетот на загинатите лица, ниту за количината на евентуално запленета дрога во акцијата.
