Кошаркарскиот свет е во шок – легендарниот Леброн Џејмс сè повеќе се поврзува со можноста да ја напушти НБА и да продолжи во Европа. Според аналитичарот на ЕСПН, Брајан Виндхорст, Џејмс нема намера да се пензионира додека е здрав, но сè почесто се споменува сценариото за негова кариера надвор од Америка.
„Секогаш слушам дека ова може да му е последна сезона. Но Леброн е во врска со идејата да игра во други лиги. Ако е здрав, не гледам дека ќе запре“, изјави Виндхорст.
НБА веќе со години размислува за проширување во Европа, а како дел од таа стратегија се споменуваат и спектакуларни трансфери на големи ѕвезди за да се подигне интересот и да се предизвика Евролига. Во моментов, Џејмс има уште една година договор со Лејкерси, но медиумите не исклучуваат и радикално сценарио – основање нова лига во САД која би била конкуренција на НБА, токму под водство на Леброн.
Дали најголемата „бомба“ во историјата на кошарката навистина е на повидок? Ќе се знае наскоро, но едно е сигурно – секој потег на Леброн Џејмс може да ја промени целата кошаркарска мапа во светот.
