Карлос Алкарас, светски број 1 на АТП листата, предизвикува загриженост кај тениските експерти поради повремени повреди и раскинувањето на соработката со тренерот Хуан Карлос Ферер.
Поранешната Вимблдон-шампионка Марион Бартоли истакна дека кариерата на Алкарас би можела да биде кратка ако не се опкружи со правилна поддршка. „Алкарас има неверојатни квалитети, но ако нема добра структура околу себе, може многу рано да го напушти тенисот, како Борг на 25 години. Сега има 22 и сакаме да уживаме во неговиот талент уште долго“, вели Бартоли.
