Грчките медиуми бурно реагираа на најавата за бришење на зборот „Северна“ од името на Кошаркарската федерација на Македонија. Весникот „Прото Тема“ истакна дека оваа федерација беше една од првите во земјата која го прифати Преспанскиот договор, напуштајќи го името „Македонска кошаркарска федерација“ и официјално користејќи го „Кошаркарска федерација на Северна Македонија“. Преименувањето се случи во периодот кога претседател беше Перо Антиќ, еден од најпознатите македонски кошаркари.
Медиумите посочуваат дека други спортски федерации, како Македонската фудбалска и ракометна федерација, не ја променија својата називка по Преспанскиот договор и продолжуваат да го користат терминот „Македонија“ без географска одредница.
