На гренслем турнирот Ролан Гарос се случи драматичен момент кој за малку ќе прераснеше во физичка пресметка меѓу двајца тенисери.
Во исклучително напнат меч исполнет со долги поени и пресврти, емоциите кулминираа во петтиот сет од дуелот меѓу Френсис Тиафо и Жаиме Фарија. Во еден момент, тензијата меѓу играчите достигна ниво кога ситуацијата речиси излезе од контрола.
Интервенција мораше да направи српската судијка Маријана Вељовиќ, која брзо реагираше и застана меѓу двајцата тенисери, спречувајќи потенцијален инцидент на теренот.
Мечот беше исклучително неизвесен и исполнет со пресврти, а по повеќечасовна борба, Тиафо успеа да направи голем кам-бек и да извојува победа.
Иако натпреварот заврши без физичка пресметка, драматичните сцени уште еднаш потсетија колку емоции и притисок носи врвниот тенис на најголемите турнири.
