Во македонскиот фудбал речиси и да нема коло без ексцеси, а најновиот инцидент се случи во Арачиново, познато по слични проблеми на натпревари. За време на дуелот меѓу Шкендија Арачиново и Брегалница Штип, на полувреме еден од редарите нападнал гостински фудбалер со клоца. Брза интервенција од останатите редари спречила уште поголем хаос на теренот.
Во моментов, Шкендија Арачиново е на првото место на табелата во Втора лига со 32 бода, додека Брегалница Штип е втора со 27 бода. Инцидентот повторно го истакнува проблемот со редот и безбедноста на македонските фудбалски натпревари.
