Во Фејсбук групата „Камп Љубаништа“ беше објавен новиот ценовник за престој во кампот за летото 2026 година, предизвикувајќи бурни реакции кај љубителите на ваков тип одмори. Многумина сметаат дека цените се непропорционално високи за домашните услови.
Според објавениот ценовник:
- Бунгалов (48 м², 4-6 лица): 8.600 денари за еден ден во периодот од 11 јули до 10 септември. За два дена цената е 7.300 денари по ден, а за три и повеќе денови се намалува на 6.700 денари по ден.
- Приколка: 3.000 денари за еден ден, 2.400 за два дена и 1.800 денари за три и повеќе денови по ден.
- Шатор за 2+2 лица: 2.800 денари за еден ден, 2.400 за два дена и 1.600 за три и повеќе денови по ден.
Граѓаните реагираат дека цените се слични како на морските дестинации, што според нив не е оправдано за камп на домашно ниво.
„Нека си седат тие од управата, ние останатите со тие пари ќе одиме некаде на море“, гласи еден од коментарите под објавата, отсликувајќи незадоволството на посетителите.
