Мистериозна трагедија го потресе скопското село Ракотинци, каде што вчера утрото бил пронајден починат 59-годишен маж од Скопје.
Според информациите од Министерството за внатрешни работи, пријавата во СВР Скопје била примена на 14 октомври 2025 година, во 08:57 часот. Полицијата веднаш излегла на лице место, каде во куќа во селото било пронајдено телото на лицето со иницијали П.П. (59).
Екипа на Итната медицинска помош извршила преглед и констатирала смрт без видливи траги на насилство. По налог на јавен обвинител, телото било предадено на обдукција за да се утврдат точните причини за смртта.
Увид на местото на настанот извршила екипа од СВР Скопје, а надлежните институции ги преземаат сите неопходни мерки за целосно расветлување на случајот.
