Жителите на Општина Гази Баба можат да аплицираат за субвенции за вградување уреди за течен гас, метан или други видови на алтернативно гориво во своите возила за 2026 година.
Локалната власт ќе покрие до 50% од трошоците, но не повеќе од 18.000 денари по возило, а субвенција може да се добие само за едно возило по семејство.
Право на учество имаат жители кои поседуваат возило произведено по 1 јануари 2007 година. Аплицирањето се врши со доставување на барање и потребната документација во затворен плик до Општината. Изборот ќе биде според принципот „прв дојден, прв услужен“.
Јавниот повик трае до 30 ноември 2026 година или до исцрпување на средствата.
