Јавното сообраќајно претпријатие Скопје денеска реагираше на вестите што се проширија во медиумите за наводен инцидент на жичарата на Водно, во кој, според објавените извештаи, биле „спасени“ тригодишно дете и тројца возрасни патници.
Во официјалното соопштение, ЈСП категорично ги демантира овие информации и посочува дека таков настан не е евидентиран, ниту денес, ниту во блиското минато.
Во изјавата се нагласува дека содржините објавени во медиумите не се засноваат на проверени податоци и претставуваат неточни информации што ја доведуваат јавноста во заблуда. ЈСП предупредува дека ваквиот пристап создава лажна слика, непотребна паника и чувство на несигурност кај граѓаните.
„Начинот на кој е претставена информацијата е погрешен и не одговара на реалната состојба. Граѓаните заслужуваат точни и проверени информации, а не сензационализам и дезинформации,“ се наведува во соопштението.
Од претпријатието дополнуваат дека ваквиот начин на објавување на непроверени вести е сериозен пропуст и може да влијае негативно врз довербата во јавните институции и услугите што се нудат.
„Очекуваме од медиумите професионално, точно и одговорно информирање, а не пласирање сензационални содржини кои ја нарушуваат довербата кај јавноста,“ .
