Скопјанец е лишен од слобода откако во неговото возило биле пронајдени поголеми количини на дрога.
Според информациите од МВР, утрово (29.12.2025) во 07:40 часот, полициски службеници од Единицата за интервентна полиција при СВР извршиле контрола и го лишиле од слобода С.Ј. (29) од Скопје.
При прегледот на патничкото возило со скопски регистарски ознаки, управувано од С.Ј., биле откриени 10 паковки марихуана и 10 паковки кокаин.
Лицето е уапсено поради основано сомнение за сторено кривично дело, а по целосно документирање на случајот ќе следи соодветен поднесок од надлежните органи.
