Жителите на неколку скопски населби утре ќе се соочат со прекини во снабдувањето со електрична енергија поради планирани интервенции во електромрежата, соопшти ЕВН.
Според најавата, први на удар ќе бидат дел од граѓаните во општина Бутел. Без струја од 08:30 до 11:30 часот ќе останат делови од улиците „Мара Маждуречка“ и „Ферид Бајрам“, каде што ќе се изведуваат технички работи на мрежата.
Неколку часа подоцна, прекин на електричната енергија ќе има и во централното градско подрачје. Од 09:00 до 15:00 часот без напојување ќе бидат Музејот на современа уметност, како и дел од потрошувачите на улицата „Самоилова“.
Од ЕВН апелираат граѓаните навреме да ги прилагодат своите обврски и да имаат разбирање додека траат зафатите, кои се дел од редовното одржување и подобрување на електроенергетскиот систем.
