За време на втората полуфинална вечер на Евровизиски натпревар, вниманието на публиката не го привлекоа само настапите и необичните сценски перформанси, туку и урнебесниот коментар на српската коментаторка Душка Вучиниќ, кој експресно се прошири на социјалните мрежи.
Во текот на преносот, Душка Вучиниќ реагираше на впечатливиот стајлинг на водителот Михаел Островски, а нејзината спонтана изјава предизвика лавина реакции кај гледачите.
„Овој човек почнува да ме забавува, но не затоа што е смешен, туку затоа што е духовит. Како папагал во напад на страст...“, изјавила таа во живо, по што социјалните мрежи буквално експлодираа од коментари.
Корисниците на платформите X и TikTok масовно почнале да го споделуваат видеото, а многумина напишаа дека токму овој момент бил „најдобриот дел од вечерта“.
Во дел од коментарите, гледачите истакнаа дека балканскиот хумор повторно успеал да го засени самиот спектакл.
„Дајте ѝ свое шоу“, „Го кажа тоа што сите го мислевме“, „Затоа Евровизија се гледа со регионален коментар“ – се само дел од реакциите што се појавија на социјалните мрежи по емитувањето.
Годинешното издание на Евровизиски натпревар и овојпат донесе необични костими, ексцентрични настапи и бројни контроверзии, но токму духовитата реакција на Душка Вучиниќ се претвори во еден од највиралните моменти на вечерта.
