Кинеската компанија „Фотон матрикс“ (Photon Matrix) разви необичен уред за борба против комарците кој користи ласер, вештачка интелигенција и LiDAR технологија за да ги открие инсектите и да ги елиминира.
Системот функционира така што со помош на сензори го следи просторот околу себе, а напредните алгоритми препознаваат кога во неговиот домет се наоѓа комарец. Според информациите за уредот, детекцијата може да се изврши за само три милисекунди, на растојание до шест метри.
Откако ќе биде идентификуван комарецот, системот го насочува ласерот кон него и го уништува.
Посебно внимание е посветено и на безбедноста. Уредот располага со повеќе заштитни механизми, а ласерот автоматски се исклучува доколку системот детектира човек во зоната во која би дејствувал.
Технологијата е замислена за употреба во различни услови – од затворени простории и дворови до кампување и престој во природа.
Уредот веќе се користи во кинескиот регион Ксинџијанг, а се очекува технологијата во иднина да стане достапна и на поширокиот глобален пазар.
Ваквите системи покажуваат како вештачката интелигенција може да најде примена и во секојдневната борба против инсектите. Доколку технологијата се покаже ефикасна, достапна и безбедна за масовна употреба, во иднина би можела да стане алтернатива на дел од традиционалните средства против комарци.
