Црна Гора планира историска научна експедиција на Антарктикот, со цел да ги прошири истражувањата и меѓународната соработка на своите научници. Владата ја одобри финансијската поддршка од 20.000 евра за учество на црногорски експерти, во партнерство со Бугарскиот институт за истражување на Антарктикот.
Експедицијата е предвидена да се реализира кон крајот на 2025 година и почетокот на 2026 година. Министерството за образование, наука, иновации и спорт истакнува дека овој проект ќе овозможи Црна Гора да се вклучи во меѓународната научна заедница која истражува еден од најчувствителните екосистеми на планетата, со што се зајакнува развојот и кредибилитетот на домашната наука.
