Новиот ризик: оружје што „мисли“ и ги менува луѓето
Научниците тврдат дека денес веќе постојат услови за создавање далеку потаргетирани и невидливи методи кои би можеле да:
- менуваат расположение
- нарушат способност за одлучување
- поттикнуваат послушност
- бришат или конфузираат меморија
- влијаат на однесувањето без да остават траги
Комбинацијата на невронаука, нанотехнологија и вештачка интелигенција создава сосема нова категорија оружја на која светот не е подготвен.
„Ова е трка со времето“
Според Кроули и Дандо, најголемиот проблем е што меѓународните договори за забрана на хемиско и биолошко оружје имаат огромни празнини кога станува збор за невролошките агенси.
Тоа значи дека државите можат да развиваат вакви технологии без да ги прекршат постојните договори.
„Ова е повик за будење“, вели Кроули. „Ако не делуваме сега, науката што треба да лекува ќе стане алатка за манипулација.“
И двајцата истражувачи потенцираат дека напредокот во невронауката е бесценет за лекување на болести, но дека истиот напредок може да биде искористен за сосема спротивни цели.
Човечкиот ум како последна линија на одбрана
Заканата е реална, велат тие, а човештвото мора итно да преземе чекори: засилена меѓународна регулација, контрола на истражувањата и глобална транспарентност за да се спречи злоупотреба на една од најмоќните научни дисциплини денес.
Согласно нивните зборови, светоста на човечкиот ум е следниот фронт кој мора да се заштити по секоја цена.
