Денеска (05.11.2026), директорот на Бирото за јавна безбедност, Александар Јанев, заедно со претставници на Секторот за полициски работи од општа надлежност при Одделот за униформирана полиција, одржа работен состанок со раководителите на одделенијата за полиција и превенција при сите сектори за внатрешни работи.
На состанокот беа детално разгледани досегашните активности, како и идните приоритети за унапредување на полициското работење. Посебен акцент беше ставен на зајакнувањето на координацијата, подобрување на заедничкото планирање и поцврсто поврзување на оперативното работење со превентивните активности на терен.
Во фокусот на разговорите беше и реализацијата на каскадните обуки за униформираните полициски службеници. Овие обуки опфаќаат практични вештини за укажување прва помош во соработка со Црвениот крст, како и протоколи за постапување при нарушувања на јавниот ред и мир од поголем обем.
За време на состанокот, беше подвлечена важноста од:
- Континуирано стручно оспособување и професионална подготвеност;
- Етичко постапување и зачувување на личниот интегритет на полициските службеници;
- Одговорно планирање и следење на обуките од страна на раководните структури.
Крајната цел на овие активности е унапредување на ефикасноста и професионалноста на полицијата, навремено препознавање и спречување на безбедносните ризици, како и градење цврста доверба и партнерски однос со граѓаните.
