Возачот кој го прегази и усмрти 76-годишниот Љубе Ѓорѓиевски од Велес на кејот покрај Вардар, денеска пред суд призна вина за делото што ја потресе цела јавност. Според обвинението, тој со голема брзина удрил во пешакот кој се движел покрај реката, по што избегал од местото на несреќата.
Во својата изјава, обвинетиот тврдел дека не знаел дека човекот починал и дека наводно се обидел да му помогне, но сведоци на настанот го демантираат тоа. По неколку часа бегство, тој бил пронајден од полицијата и приведен.
Семејството на Дедо Љубе, познат меѓу велешани по секојдневните прошетки покрај кејот, со солзи во очите изјави дека бара правда и најстрога казна за сторителот.
Судскиот процес продолжува, а обвинетиот се соочува со сериозни обвиненија за „тешки дела против безбедноста на луѓето и имотот во сообраќајот“. Според неофицијални информации, казната би можела да достигне и до 10 години затвор.
