Пред нас е продолжен викенд, бидејќи понеделник, 19 јануари, е неработен ден. Тој ден православните верници го одбележуваат големиот христијански празник Богојавление – Водици, што за многумина значи дополнителен ден одмор и можност за кратко патување или семејно собирање.
Празникот традиционално се одбележува со богослужби и осветување на водите низ целата земја, а секоја година привлекува голем број верници и посетители. Поради неработниот понеделник, викендот се продолжува на три дена, што е добра можност за одмор по работната недела.
Согласно Законот за празниците, ова е еден од повеќето датуми во текот на годината кои носат продолжени викенди, па граѓаните имаат можност однапред да ги планираат своите обврски и одмори.
