Општина Велес информира дека на 04 април (сабота) ќе биде воведена привремена забрана за сообраќај во Градски парк, Велес. Забраната ќе важи во периодот од 10:00 до 15:00 часот, поради одржување на специјален настан во паркот.
Настанот, кој ќе се реализира од 11:00 до 14:30 часот, ќе вклучува презентација на воена опрема, борбени возила и боречки вештини на припадниците на армијата. Презентацијата е по повод 4 Април – Денот на НАТО, Денот на 1 Пешадиска бригада и 15 Април – Денот на Командата за обука и доктрини.
Организатори на настанот се Командата за обука и доктрини и Касарната „Алексо Демниевски Бауман“.
Општина Велес апелира до граѓаните да ги почитуваат поставените сообраќајни знаци и инструкциите од службените лица на терен за непречено и безбедно одвивање на настанот.
Ви благодариме за разбирањето и соработката.
