Општина Кавадарци, во соработка со „Еко Текст Груп“, ги продолжува редовните активности за организирано собирање и соодветно управување со текстилниот отпад на својата територија.
Во рамки на оваа акција се врши организирано празнење и собирање на отпадот од специјално поставените контејнери за текстил. Главната цел е негово правилно третирање, рециклирање и значително намалување на загадувањето на животната средина.
Од Општина Кавадарци упатуваат апел до сите граѓани за поголема еколошка свест и правилно користење на наменските садови:
„Апелираме до сите граѓани совесно и правилно да ги користат контејнерите за селекција на отпад. Во контејнерите наменети за текстил треба да се одлага исклучиво текстилен отпад, а никако комунален, градежен или друг вид отпад.“
Со одговорно однесување, правилна селекција и одржување на редот околу контејнерите, сите заедно придонесуваме за почиста, поздрава и подобро уредена општина.
