Според најновите информации од Управата за хидрометеоролошки работи (УХМР), денеска не очекува променливо облачно време со услови за слаб локален дожд на повеќе места низ Македонија. По стабилниот и релативно сув период, повторно следуваат врнежи и посвежо време, особено во попладневните часови.
Ќе дува слаб до умерен ветер од северен правец, кој на моменти може да предизвика чувство на пониска температура од реалната.
Температурите ќе бидат поумерени – максималните дневни вредности ќе се движат од 11 до 19°C, во зависност од регионот.
Во Скопје се очекува променливо облачно време со слаб северен ветер, а максималната дневна температура ќе достигне до 18 степени Целзиусови.
Според прогнозата за утрешниот ден, времето ќе остане нестабилно – променливо облачно со повремен локален дожд, проследено со слаб до умерен ветер од југоисточен правец. Дневните температури ќе се движат во интервал од 12 до 17°C.
Граѓаните се советуваат да носат чадори или лесна водоотпорна облека доколку се во движење во текот на денот, особено во попладневните часови кога постои зголемена веројатност за врнежи.
Се најавува дека оваа променлива временска состојба ќе продолжи и во наредните денови, па стабилизација се очекува дури кон крајот на неделата.
