Трет ден по ред, не е познато каде се наоѓа судијата Ѓоко Ристов од Неготино, кај кого беа пронајдени 350.000 евра воѕидани во ѕидот на неговата семејна куќа.
Ниту Обвинителството за гонење на организиран криминал и корупција (ОЈО ГОКК), ниту Министерството за внатрешни работи не даваат информации за неговата моментална локација или за можните мерки против него.
Ристов минатата недела заминал на боледување во Апелациониот суд – Скопје, по што неговите колеги повеќе не го виделе.
Од ОЈО ГОКК само потврдуваат дека постапката се водела со месеци и дека станува збор за сложена и обемна истрага која сè уште е во тек.
