Денеска во охридското село Велгошти дошло до разорна експлозија во куќа, по која интервенирале екипи на Противпожарната служба од Охрид.
Според информациите од ТППЕ Охрид, експлозијата била предизвикана од зголемена концентрација на плин и други фактори кои довеле до високо ниво на експлозивност.
Благодарение на брзата реакција на пожарникарите, било спречено опожарување на објектот. Повредена е една жена, која била пренесена од екипите на Брза помош за итна медицинска помош.
