Серија тешки сообраќајни несреќи во кои учествувале мотоцикли и мопеди се случиле во текот на вчерашниот ден во неколку градови низ државата. Според извештаите од МВР, четири лица се здобиле со тешки телесни повреди, меѓу кои и еден сопатник.
На 25.03.2026 во 15:55 часот во СВР Тетово е пријавено дека на бул. „Маршал Тито“ во Тетово се случила сообраќајна несреќа помеѓу патничко возило „мерцедес“ со тетовски регистарски ознаки, управувано од Б.С. (34) од с. Челопек и мотоцикл „јамаха“ без регистарски таблички, управуван од Д.Т. (27) од с. Брвеница. Во несреќата со тешки телесни повреди се здобил мотоциклистот, констатирани во Клиничка болница Тетово. Извршен е увид од увидна екипа на СВР Тетово.
На 25.03.2026 околу 13:30 часот во ОВР Гевгелија е пријавено дека на крстосницата од улиците „Деко Ковачев“ и „Миле Пецанов“ се случила несреќа помеѓу мопед „кимко“ управуван од К.Ч. (52) од Гевгелија и мопед управуван од 16-годишник. Малолетникот го напуштил местото, но набргу бил пронајден и со него бил извршен службен разговор во присуство на родител. Во несреќата тешко е повреден К.Ч., а повредите се констатирани во ЈЗУ Гевгелија. Извршен е увид.
Истото попладне, околу 20:20 часот, во СВР Велес било пријавено дека на улицата „Васил Антевски Дрен“ во населба Превалец се случила сообраќајна несреќа помеѓу патничко возило „ауди“ управувано од Д.М. (20) од Велес и мопед управуван од З.Т. (22) од с. Клуковец. Во несреќата тешко е повреден сопатникот И.З. (28) од с. Горно Врановци, додека возачот на мопедот се здобил со полесни повреди. Повредите се констатирани во Општа болница Велес.
Надлежните служби извршиле увид на сите локации, а причините за несреќите дополнително се утврдуваат.
