Тешка сообраќајна несреќа вечерва го блокираше сообраќајот кај наплатната рампа Желино.
Според првичните информации, во судирот учествувале најмалку две возила, од кои едното е целосно уништено. Ударот бил силен, поради што сообраќајот на овој патен правец е значително отежнат и се создадоа колони.
Засега нема официјални податоци за повредени лица, а повеќе детали се очекуваат по завршување на увидот од страна на Министерството за внатрешни работи.
