Во рамките на програмата за „Кавадаречко културно лето 2026“, Општина Кавадарци најавува голем турнир во стрит баскет (3x3), кој ќе донесе спортска енергија и динамика во срцето на градот.
Спортскиот настан ќе се одржи на 17 и 18 август 2026 година на Градскиот плоштад во Кавадарци.
Детали за турнирот и пријавувањето:
- Капацитет: Предвидено е учество на 10 машки екипи (формат 3+1 играч).
- Краен рок за пријавување: Сите заинтересирани екипи можат да се пријават најдоцна до 14 август 2026 година.
Парични награди за најдобрите:
- 1. место: 9.000 денари
- 2. место: 7.000 денари
- 3. место: 5.000 денари
Општина Кавадарци ги поканува сите љубители на кошарката и активниот спорт да ги формираат своите екипи и да се пријават, а граѓаните да дојдат на плоштадот и да дадат поддршка за своите фаворити.
